Zlatan: "Men bu lahzalarni to'rt yil kutdim"

"Los-Anjeles Gelaksi" hujumchisi Zlatan Ibragimovich "Inter" ning sobiq himoyachisi Marko Materatstsidan qanday qilib qasos olganini aytib berdi.

''Men "Yuve" da o'ynaganman biz "Inter" bilan uchrashuv o'tkazganmiz. Materatstsi haqiqiy qotil kabi harakat qilib meni jarohatladi. U kuchli futbolchi edi, shuning uchun bu unga normal holat. Bu 2006-yilda sodir bo'ldi. Jarohatdan so'ng men biroz vaqt maydonni tark etishga majbur bo'ldim va "Yuve" bosh murabbiyi Fabio Kapello: "Sening o'rningni almashtiraman" dedi. Men "Yo'q, men o'yinni davom ettiraman." deb javob berdim.
Men Materatstsining qasosini olish uchun maydonga qaytmoqchi edim. Menga qilingan qo'plolliklar haqida unutmayman. Biroq, ikki daqiqadan so'ng og'riq chidab bo'lmas darajaga keldi. Men o'yinni davom ettira olmadim. Shundan so'ng men "Inter", "Barselona" va "Milan" klublarida o'ynadim.

2010/11 yilgi mavsumning birinchi derbisida yana "Inter" bilan uchrashdim. Bu menga kuch berdi. Ammo o'zingizni boshqara olmasangiz, bu juda yomon ekan. Siz aqlingizni yo'qotib, ahmoqona ish qilishingiz mumkin."
Uchrashuvning ikkinchi taymida shunday vaziyat bo'ldiki, Materatstsi menga duch kelib qoldi va men unga taykvando usulida zarba berdim. Uni shifoxonaga olib ketishdi. Bu ishimdan keyin Deyan Stankovich meni so'roqqa tutdi: "Nima uchun bunday qilding?" Va men unga javob berdim: "Men bu lahzalarni to'rt yil kutdim" ''