«Liverpul» «Man Siti» rekordini takrorladi

Angliya chempionatining 15-turi doirasida «Liverpul» o'z uyida «Everton»ni yirik hisobda mag'lub etdi (5:2).

Mersisaydliklar APLning dastlabki 15 turidan keyin 43 ochko jamg'argan ikkinchi jamoa bo'lishdi. Bu orqali «Liverpul» «Manchester Siti» tomonidan ikki yil avval o'rnatilgan rekordni takrorladi. 2017/18 yilgi mavsum yakunida «shaharliklar» 100 ochko bilan Angliya chempionligini qo'lga kiritishgan edi.

Ushbu mavsumda «Siti» Klopp jamoasidan 11 ochko ortda qolgan holda jadvalda 3-o'rinni egallab turibdi.