Messi — olti karra «Oltin to'p» sohibi!

Parijda "Oltin to'p"ni topshirish marosimi yakuniga etdi. "Barselona" hujumchisi Lionel Messi 2019 yilda jahonning eng yaxshi futbolchisi deb topildi.

Argentinalik futbolchi bunday sovrinlari sonini 6taga etkazib, bu borada yana etakchiga aylandi.

Messi ushbu sovrin uchun kurashda finalchilar — Sado Mane ("Liverpul", 4-o'rin), Krishtianu Ronaldu ("Yuventus", 3-o'rin) va Virjil van Deyk ("Liverpul", 2-o'rin)ni ortda qoldirdi.

Lionel Messi avvalroq FIFAning "The Best" sovrinini ham qo'lga kiritgan edi.