«Bayer» darvozaboni: «Linzamni yo'qotib qo'yib, 20 daqiqa deyarli hech narsa ko'rmadim»

«Bayer» darvozaboni Lukash Gradetski Bundesliganing 13-turi doirasida «Bavariya»ga qarshi bo'lib o'tgan o'yinda (2:1) linzasini yo'qotib qo'yganini ta'kidladi.

«Birinchi bo'limda kontakt linzamni yo'qotib qo'ydim va tanaffusga qadar 20 daqiqa davomida deyarli hech narsa ko'rmadim.

«Bavariya»ga qarshi o'yinda faqat bir ko'z bilan o'ynashga urinib ko'ring», – dedi Gradetski Sky Sports'ga bergan intervyusida.

Mazkur o'yinda Gradetski 10 seyvni amalga oshirdi. Bahsning 33-daqiqasida esa u Myuller tomonidan olis masofadan yo'llangan zarbani qaytara olmadi. Bu paytda Lukash linzasiz o'ynayotgan edi.