Superliga. «Qo'qon-1912» - «Navbahor» bahsi ikkinchi bo'limi ertaga o'ynaladi

Qo'qon shahrida quyuq tuman tufayli Superliganing 26-turi doirasida bo'lib o'tayotgan «Qo'qon-1912» - «Navbahor» uchrashuvining ikkinchi bo'limi ertaga o'tkaziladigan bo'ldi.

Jamoalar birinchi bo'limini bir amallab o'tkazishdi, darvozalarga bittadan to'p kiritildi. Ikkinchi taym boshlanishidan avval uchrashuv rasmiylari dastlab bo'limning boshlanishini 30 daqiqaga kechiktirish haqida qaror qabul qilishdi. Ammo quyuq tuman tarqalmagach, rasmiylar bahsni ertaga qoldirishga qaror qilishdi.

Demak, 1 dekabr kuni soat 12:00dan boshlab «Qo'qon-1912» - «Navbahor» uchrashuvining ikkinchi taymi o'ynaladi.