"PSJ" 5 o'yin deganda EChLda g'alaba qozondi

"PSJ" UEFA Chempionlar Ligasining so'nggi 5 o'yinida ilk g'alabasini qo'lga kiritdi.

Luis Enrike boshchiligidagi jamoa Chempionlar ligasining 6-turi doirasidagi safarda "Red Bull" mehmoni bo'lib, 3:0 hisobida zafar quchdi.

Bu "PSJ"ning evrokuboklardagi so'nggi 5 o'yindagi ilk g'alabasi bo'ldi. Bungacha parijliklar "Bavariya" (0:1), "Atletiko" (1:2), "Arsenal" (0:2)ga imkoniyatni boy berib, PSV bilan durang o'ynagan (1:1). Birinchi turda "PSJ" "Jirona"ni minimal hisobda mag'lub etgandi.

6 turdan keyin parijliklar hisobida 7 ochko bor, ular turnir jadvalida 24-o'ringa ko'tarilib oldilar.

22 yanvar kuni "PSJ" Chempionlar ligasining 7-turi doirasida "Manchester Siti"ni qabul qiladi.