Pochettino: «Ishonchim komil, hali «Tottenxem» bilan yo'llarimiz kesishadi»

Maurisio Pochettino «Tottenxem»dan iste'foga chiqarilganidan keyin ilk marta fikr bildirdi.

«Jo Lyuis («Tottenxem» egasi) va Deniel Leviga menga «Tottenxem» tarixining bir qismi bo'lish uchun imkon bergani uchun minnatdorchilik bildiraman. Shuningdek, «Tottenxem»da men bilan besh yarim yil davomida birga ishlagan barcha xodimlar va o'yinchilarga rahmat aytaman.

Nihoyat, o'zining aqlbovar qilmas qo'llab-quvvatlashi bilan klubni buyuk jamoa bo'lishi uchun hissa qo'shayotgan muxlislarni ta'kidlashim lozim.

Oldimizga qo'yilgan maqsadga erishish uchun o'zimda borini berdim. Qiyin sinovlar ham bo'ldi, ulkan yutuqlarga ham erishdik. Jamoaga eng yaxshi tilaklarni bildiraman. Ishonchim komil, hali yo'llarimiz kesishadi», – dedi Pochettino.