Zafar Polvonov «yuzlik dovon»dan o'tdi va Gennadiy Krasnitskiy klubiga a'zo bo'ldi
/ Kiritdi: BestMaster Ko'rilgan: 338
AGMK jamoasi hujumchisi Zafar Polvonov “Qizilqum”ga qarshi o'yinda xet-trik qayd etib, Superligada joriy mavsumdagi 15-golini, barcha musobaqalardagi esa mazkur yildagi 20-to'pini kiritdi.
“Qizilqum” darvozasiga kiritilgan Polvonovning birinchi to'pi hujumchining faoliyatidagi 100-goli sifatida tarixga kirdi.
Shu tariqa Zafar Polvonov yuzlik dovonni zabt etgan futbolchilar kabi Gennadiy Krasnitskiy klubiga a'zo bo'ldi.
Zafar Polvonov faoliyati davomida “Sho'rtan”, AGMK, “Dinamo” va “Nasaf” jamoalari safida chempionat doirasida 86, O'zbekiston kubogi bellashuvlarida 13, Superkubok, Liga Kubogi va OChL doirasidagi o'yinlarda bittadan gol urgan va hozirgi kunda hujumchimizning hisobidagi gollari soni 102taga etgan.
Qayd etish kerakki, Zafar Polvonov joriy mavsum o'zbek futbolchilari orasida o'zi ishtirok etgan barcha 5ta musobaqada (OChL, Superliga, Superkubok, Liga Kubogi, O'zbekiston Kubogi) gol urgan yagona futbolchi.
Mazkur chiroyli natija bilan Zafar Polvonovni AGMK jamoasi va muxlislar nomidan tabriklaymiz!
Bosh sahifaga
242