«Arsenal»ning «ketmoni uchmayapti»: jamoa 7ta o'yindan beri g'alaba qozonmayapti

Evropa ligasining 5-turi doirasida «Arsenal» o'z uyida «Ayntraxt»ni qabul qilib,  imkoniyatni boy berdi (1:2).

Shu tariqa, Unai Emeri jamoasining g'alabasiz uchrashuvlar seriyasi 7taga etdi. "Kanonirlar" ularning 5tasida durang o'ynab, 2tasida yutqazishgan.

Jamoa so'nggi marta 24 oktyabr kuni Evropa ligasining 3-turi doirasida bo'lib o'tgan "Gimaraesh"ga qarshi o'yinda g'alaba qozongan edi.

«Arsenal» uchun bu so'nggi 27 yil ichidagi eng yomon seriya hisoblanadi. Jamoa Arsen Vengerning 22 yillik boshqaruvi davrida bunday salbiy natija qayd etmagan.

So'nggi marta londonliklar 1992 yilda ketma-ket 8ta o'yinda g'alaba qozona olishmagan edi.

"Arsenal"ning so'nggi 7ta o'yindagi natijalari:

APL. Arsenal - Kristal Pelas - 2:2
Angliya liga kubogi. Liverpul - Arsenal - 5:5
APL. Arsenal - Vulverxempton - 1:1
Evropa ligasi. Vitoriya Gimaraesh - Arsenal - 1:1
APL. Lester - Arsenal - 2:0
APL. Arsenal - Sautgempton - 2:2
Evropa ligasi. Arsenal - Ayntraxt F - 1:2