2025 yilgi jahon chempionatidan tushgan mablag'ning 70 foizi Evropaning 12 klubi o'rtasida taqsimlanadi

Klublar o'rtasidagi Jahon chempionati 2025 yilning yozida bo'lib o'tadi, biroq turnir ilk bor yangi formatda o'tkaziladi. Musobaqada oltita qit'a konfederatsiyasidan 32 ta klub ishtirok etadi.

Marca xabariga ko'ra, klublar o'rtasidagi jahon chempionatida ishtirok etish uchun klublar o'rtasida taqsimlanadigan pulning 70 foizga yaqini Evropaning 12 klubiga yo'naltiriladi. Mablag'ning qolgan qismi boshqa ishtirokchilarga beriladi.

Avvalroq OAV 2025 yilgi jahon chempionatining umumiy mukofot jamg'armasi 2,5 milliard evroni tashkil etishi haqida yozgan edi.