Toshkentda «Pro» diplomiga ega murabbiylar uchun bilimlarni yangilash o'quv-kurslarining 2-moduli boshlandi

O'zbekiston futbol assotsiatsiyasi tomonidan yurtimizdagi futbol murabbiylarining malakasini oshirish va murabbiylikni rivojlantirish borasida bir qator chora-tadbirlar amalga oshirib kelinmoqda.   Jumladan, shu yilning 18-20 noyabr kunlari Toshkentda "Pro" diplomiga ega murabbiylar uchun bilimlarni yangilash o'quv kurslarining birinchi moduli o'tkazildi. Bugun 12 dekabr kuni mazkur  xalqaro o'quv kurslarining ikkinchi moduliga start berildi. O'quv kurslarida Mirjalol Qosimov, Igor Shkvirin, Baxtiyor Ashurmatov, Sergey Lushan, Azamat Abduraimov kabi mashhur mutaxassislar ishtirok etishmoqda. O'quv kurslarini FIFA va OFK instruktori Islom Ahmedov olib bormoqda. Unga Oybek Davletmuratov yordam beryapti.

Mazkur o'quv kurslari davomida murabbiylar birinchi modul yakunida ularga berilgan topshiriqlar bo'yicha amaliy imtihonlardan o'tishadi. O'quv kurslarini muvaffaqiyatli tamomlagan murabbiylar 2 yil davomida murabbiylik faoliyati bilan shug'ullanishlari mumkin.