Ibrahimovich Shvetsiyada klub sotib oldi

Zlatan Ibrahimovich AEG Sweden kompaniyasi aktsiyalarini sotib oldi. Ushbu kompaniya Shvetsiyaning «Xammarbyu» klubi egasi hisoblanadi.

«Anschutz Entertainment Group o'z aktsiyalarining 50 foizini AEG Sweden va Zlatan Ibrahimovichga sotdi», – deya xabar tarqatdi klub rasmiy veb-sayti.

«Bu o'z vaqtida amalga oshirilgan kelishuv, deb o'ylayman. Boisi, klubimiz so'nggi yillarda yaxshi rivojlandi. Biz kelasi mavsumda Evropa ligasida o'ynaymiz. G'oliblik ruhiyatiga ega bo'lgan Ibrahimovich kabi insonning klubimizga jalb qilinishi — ajoyib. Uning biz bilan hamkorligidan ulkan salohiyatni ko'ryapmiz», – dedi «Xammarbyu» klubi boshqaruv raisi Ikskull.