Joau Feliks «Golden Boy-2019» sovrinini qo'lga kiritdi

«Atletiko» yarim himoyachisi Joau Feliks Tuttosport nashri versiyasiga ko'ra Evropaning 2019 yildagi eng yaxshi yosh futbolchisi deb topildi.

Ushbu sovrin har yili Italiya gazetasi tomonidan 21 yoshdan katta bo'lmagan Evropaning eng yaxshi futbolchisiga topshirib kelinadi.

O'tkazilgan so'rovnomada 20 yoshli Feliks 322 ball bilan birinchi o'rinni egalladi. Ikkinchi pog'ona Dortmundning «Borussiya» klubi yarim himoyachisi Jeydon Sanchoga nasib etdi (175). Uchinchi o'rinni «Bayer» yarim himoyachisi Kay Xavertts (75) egalladi.

Feliks yozgi transfer paytida 127 million evro evaziga «Benfika»dan «Atletiko»ga o'tgan edi. U La liga doirasida 13ta o'yinda maydonga tushib, 3ta gol urdi.

«Milan» posboni Janluidji Donnarumma esa 21 yoshdan katta bo'lmagan eng yaxshi italiyalik futbolchi deb topildi.

Top-5:

1. Joau Feliks («Atletiko») – 332

2. Jeydon Sancho («Borussiya» Dortmund) – 175

3. Kay Xavertts («Bayer») – 75

4. Erling Xoland («RB Zaltsburg») – 74

5. Matteys de Ligt («Yuventus») – 71.