EChL. «D» guruhi. «Yuventus» «Atletiko»ni mag'lub etib, keyingi bosqichga yo'l oldi

Evropa chempionlar ligasining "D" guruhidan keyingi bosqichga chiqqan dastlabki jamoaning nomi aniq bo'ldi.

"Yuventus" o'z maydonida "Atletiko"ni qabul qilib, kichik hisobda g'alaba qozonishdi. Birinchi bo'limga qo'shib berilgan daqiqalarda Paulo Dibala hisobni ochishga muvaffaq bo'ldi.

Madridliklar bu o'yindan 1 ochko bilan qaytishlari mumkin edi. Ikkinchi bo'limga qo'shib berilgan daqiqalarda Alvaro Morata 2-3 metrdan bo'sh darvozaga zarba bera olmadi.

Ushbu g'alaba tufayli Sarri jamoasi o'z ochkolarini 11taga etkazib, guruh g'olibligini hal qildi. "Atletiko" esa pley-offga chiqish uchun so'nggi turda o'z uyida "Lokomotiv"ni mag'lub etishi kerak bo'ladi.

Germaniyaning "Bayer" klubi esa Moskvada "Lokomotiv" ustidan 2:0 hisobida g'alaba qozonib, o'z ochkolarini 6taga etkazdi va eng kamida Evropa ligasi yo'llanmasini naqd qildi.

Evropa chempionlar ligasi, "D" guruhi, 5-tur
Lokomotiv Rossiya – Bayer Germaniya 0:2 (0:1, 0:1)
Gollar: 0:1 – 11, avtogol Jemaletdinov, 0:2 – 54 Bender.
Lokomotiv – Gilerme, Riibus, Xevedes, Chorluka, Ignatev, Barinov, Miranchuk, Miranchuk, Krixovyak, Jemaletdinov (Kulikov, 65), Eder (Smolov, 77).
Bayer – Gradetski, Ta, Retsos, Bender, Vendell, Demirbay (Bender, 90), Belarabi (Alario, 77), Diabi, Arangis, Beyli (Baumgartlinger, 46), Folland.
Ogohlantirishlar: Xevedes (42), Ignatev (67), Chorluka (67), Vendell (77), Barinov (83).

Yuventus Italiya – Atletiko Ispaniya 1:0 (1:0, 0:0)
Gol: 1:0 – 45+2 Dibala.
Yuventus – Shchensni, Danilo, Bonuchchi, De Shilo, de Ligt, Remzi (Bernardeski, 63), Bentankur (Xedira, 86), Pyanich, Matyuidi, Ronaldu, Dibala (Iguain, 76).
Atletiko – Oblak, Felipe, Lodi (Lemar, 64), Tripper, Ermoso, Koke, Saul, Errera (Korrea, 60), Tomas, Vitolo (Joau Feliks, 54), Morata.
Ogohlantirishlar: Ermoso (32), Bentankur (35), Lodi (40), Saul (52), Errera (58).