Toshkent derbisi «Bunyodkor» stadionida bo'ladi

Xabaringiz bor, Superliganing 25-turida Toshkentning ikki klubi “Paxtakor” va “Bunyodkor” o'zara bahs olib boradi.

27 noyabr kungi Toshkent derbisi “Paxtakor” maydonida emas, “Bunyodkor” stadionida bo'lib o'tadi. Uchrashuv 16:00 da start oladi.

Ma'lumot uchun. Birinchi davra o'yinida “Bunyodkor” stadioni tayyor bo'lmagani uchun “Paxtakor” uchrashuvni o'z maydonida qabul qilishga rozi bo'lgandi. Kelishuvga ko'ra, ikkinchi uchrashuv ham “Paxtakor”da o'tishi kerak edi. Biroq Arveladze jamoasi muddatidan avval chempion bo'lgani, shuningdek, ayni vaqtda “Bunyodkor” stadioni o'yinlarga tayyor bo'lganidan kelib chiqib, yuqoridagi qarorga kelindi.