«Real Madrid» Ukraina terma jamoasi futbolchisiga qiziqib qoldi

Kievning “Dinamo” klubi futbolchisi Viktor Tsigankov faoliyatini “Real Madrid”da davom ettirishi mumkin.

Defensa Central nashrining xabariga ko'ra, “qaymoqranglilar”ning skautlari 22 yoshli futbolchining o'yinlarini kuzatishdi. “Dinamo” futbolchini 20 million evroga baholamoqda.

Ta'kidlab o'tish joiz, Tsigankovga shuningdek, APL klublari ham qiziqish bildirmoqda. Joriy mavsum futbolchi 20ta o'yinda maydonga tushib, 5ta gol urdi va 6ta golga assistentlik qilgan.