Ronaldu «Yuventus» futbolchilaridan uzr so'ramaslikka qaror qildi

"Yuventus" hujumchisi Krishtianu Ronaldu "Milan"ga qarshi o'yinda qilgan ishi uchun jamoadoshlaridan uzr so'ramadi. Bu haqda La Gazzetta dello Sport xabar tarqatdi.

A seriyaning 12-turidan o'rin olgan o'yinda portugaliyalik futbolchi zaxiraga olinganidan so'ng uchrashuv tugamasidan avval stadionni tark etgan edi. Bu "keksa sinora" ichki qoidalariga zid bo'lsa-da, klub rahbariyati uni jazolamaslikka qaror qilishdi, jamoaning qolgan o'yinchilari ham unga e'tiroz bildirishmadi.

Shundan so'ng Ronaldu tizzasidagi muammo tufayli individual mashg'ulotda ishtirok etdi va Portugaliya terma jamoasi safida Evro-2020 saralash bosqichi doirasida ikkita o'yinda ishtirok etdi.

Krishtianu "Yuventus" safiga qaytganidan keyin bo'lib o'tgan voqeaga to'xtalib o'tirmadi va jamoadoshlaridan uzr so'ramadi.