Levandovski: "Bavariya"da hozir hammasi yaxshi emas, lekin..."

"Bavariya" hujumchisi Robert Levandovski ayni damda jamoani boshqarayotgan Xans-Diter Flik hamda sobiq murabbiy Gvardiola haqida gapirdi.

"Flik futbolchilar bilan ochiqchasiga gaplashadi va bor gapni aytadi. Futbolchilar ham uni yaxshi tushunishadi. Flik taktika borasida yaxshi ishlayapti. To'g'ri, "Bavariya"da hozir hammasi joyida deya olmayman, lekin Flik ayni kunlarda klubni yaxshi boshqaryapti. Hozir yaxshi mutaxassisni topish oson emas, shuning uchun Flik bilan oldinga qadam tashlayverishimiz kerak.

Gvardiola — har bitta futbolchini kuchaytirishga intiladi, shuning uchun u bilan ishlash har bir futbolchi uchun omaddir", dedi Levandovski.