Dubai Cup-U23. O'zbekiston U23 S.Arabistoni bilan o'yinda mag'lubiyatdan qutulib qoldi

O'zbekiston olimpiya terma jamoasi Birlashgan Arab Amirliklarida o'tkazilgan "Dubai Cup-U23" musobaqasini birorta g'alabasiz yakunladi. Drulovich shogirdlari 4ta o'yinda maydonga tushib, 3ta durang va bitta mag'lubiyat qayd etishdi.

Bugun bo'lib o'tgan Saudiya Arabistoniga qarshi o'yinda olimpiyachilarimiz mag'lubiyatdan qutulib qolishga muvaffaq bo'lishdi. Saudiyaliklar dastlabki 20 daqiqa ichida darvozamiz tomon ikki marta yo'l topishdi.

Ikkinchi bo'lim boshida Islom Qobilov termamizning dastlabki golini urgan bo'lsa, taymga qo'shib berilgan daqiqalarda Abdulla Abdullaev hisobni tenglashtirishga muvaffaq bo'ldi.

Shu tariqa, O'zbekiston olimpiya terma jamoasi Dubai Cup-U23 turnirida Iroq (3:3), Iordaniya (1:1) va Saudiya Arabistoni (2:2) bilan durang o'ynab, BAAga 1:2 hisobida yutqazdi.

Dubai Cup-U23, 4-tur. soat 20:00
O'zbekiston – Saudiya Arabistoni 2:2 (0:2)
Gollar: Islom Qobilov (48), Abdulla Abdullaev (90+2) - Saad Ali Alsaluli (5), Sami Halil Al Naji (17).
O'zbekiston U-23: 1.Abduvohid Ne'matov, 3.Sharof Muhiddinov, 5.Dilshod Saitov, 6.Aziz G'aniev, 9.Jasur Yaxshiboev, 10.Bobir Abdixoliqov, 11.Mirjahon Mirahmadov, 14.Abror Ismoilov, 15.Oybek Rustamov,  19.Ilhom Alijonov, 23.Oybek Bozorov.
Zaxira: 12.Nizomiddin Ziyovutdinov, 2.Islom Qobilov, 4.Abdulla Abdullaev, 8.Nurillo To'xtasinov, 13.Sherzod Nasrullaev, 16.Aziz Amonov, 17.Islom Rashidxonov, 18.Husniddin Aliqulov, 20.Shahboz Jo'rabekov, 22.Doston Ibragimov, 24.Asad Sobirjonov, 31.Ibrohim Yo'ldoshev