Vitoriya Gretsiya klubini boshqaradi

Moskvaning “Spartak” klubi sobiq ustozi Rui Vitoriya Gretsiyaning “Panatinaikos” klubini boshqaradi.

Hellas xabariga ko'ra, portugaliyalik yaqin bir necha soat ichida Afina klubi bosh murabbiyiga aylanadi. U jamoa bilan shartnoma imzolash uchun allaqachon Gretsiya poytaxtiga uchib bo'lgan.

Eslatib o'tamiz, Vitoriya "Spartak" bilan 2021 yilda ishlagan.

Keyin 2022-2024 yillarda Misr terma jamoasini boshqargan. Avvalroq “Benfika”, Saudiyaning “An-Nasr” va boshqa klublarda ham ishlagan.

"Panatinaikos" hozirda Gretsiya chempionati turnir jadvalida bor-yo'g'i sakkizinchi o'rinda bormoqda, jamoa 13 ochko to'plagan.