Benzema: «Terma jamoadagi faoliyatimni yakunlashni men hal qilaman»

«Real» hujumchisi Karim Benzema Frantsiya futbol federatsiyasi prezidenti Noel Le Grega javob qaytardi. Avvalroq Frantsiya futboli rahbari Benzema terma jamoaga boshqa taklif etilmasligini aytib o'tgan edi.

«Noel, siz Frantsiya terma jamoasi ishiga aralashmaysiz, deb o'ylagan edim!

Shuni bilingki, terma jamoadagi faoliyatimni qachon yakunlashni men hal qilaman. Agar barchasi tamom bo'ldi, deb hisoblasangiz, menga boshqa terma jamoada o'ynash imkoniyatini bering. Shunda barchasini ko'rasiz», – deya yozdi Benzema o'zining tvitterdagi sahifasi orqali.

Benzema kelib chiqishi afrikalik bo'lgani uchun Jazoir terma jamoasini nazarda tutgan bo'lishi mumkin. Ammo FIFA qoidalariga ko'ra, bitta terma jamoada o'ynagan futbolchi boshqa terma safida maydonga tusha olmaydi.