Dzyudochilarimiz Xitoydagi nufuzli «Masters» turnirida ishtirok etadilar

15-16 dekabr kunlari Xitoyning Guanchjou shahrida dzyudo bo'yicha nufuzli «Masters» turniri bo'lib o'tadi. Musobaqada jahonning 50 dan ortiq mamlakatidan 250 ga yaqin sportchi ishtirok etishi kutilmoqda. Ushbu yirik reyting turnirida o'zbekistonlik polvonlar ham qatnashadilar.

Bahslarda yurtimiz sharafini Sharofiddin Lutfillaev (-60 kg), Diyorbek O'rozboev (-60 kg), Shahram Ahadov (-66 kg) va Bekmurod Oltiboev (+100 kg) kabi sportchilarimiz himoya qiladilar. Shuningdek, O'zbekiston dzyudo federatsiyasining ma'lum qilishicha G'iyosjon Boboev ham ushbu musobaqada qatnashishi mumkin.