«Manchester Siti» evrokuboklardan chetlatilmaydi

"Manchester Siti" moliyaviy halol o'yin qoidasini buzgani uchun jiddiy jazoga tortilmaydigan bo'ldi.

Daily Mail tarqatgan xabarga ko'ra, UEFA "shaharliklar"ni faqat moliyaviy jazoga tortishga qaror qildi. Klubni tekshirish haqidagi hisobot shu yilning dekabr oyida e'lon qilinishi kutilmoqda.

"Manchester Siti" APLning dastlabki 12ta turidan keyin peshqadam "Liverpul"dan 9 ochko ortda qolgan holda jadvalda 4-o'rinni egallab turibdi. Gvardiola jamoasi Evropa chempionlar ligasida 10 ochko bilan o'z guruhi peshqadami bo'lib turibdi.