FIFA O'zbekiston terma jamoasi haqida hujjatli film tayyorlamoqda

O'zbekiston milliy terma jamoasining Saudiya Arabistoni bilan o'yin oldidan mashg'ulotlarini “FIFA TV”ning ijodiy guruhi tasvirga olmoqda.

Saudiyaga qarshi uchrashuv yakunlangach ushbu mavzudagi “Road to Qatar 2022” hujjatli filmi tayyorlanadi va efirga uzatiladi.

Aytish joizki, “FIFA TV” jahon chempionati saralash bahslari paytida guruhlarda potentsial favorit jamoalar mehmoni bo'lib ana shunday filmlar tayyorlashadi. Bundan xulosa qilish mumkinki, FIFA mutaxassislari O'zbekiston terma jamoasining saralash bahslaridagi imkoniyatlarini yuqori baholamoqda.