200 million evro: Dunyoning eng qimmat futbolchisi aniqlandi

Nufuzli "Transfermarkt" portali mutaxassislari Angliya Premer-ligasida to'p tepayotgan ba'zi futbolchilarning narxlarini yangiladi. «Manchester Siti» hujumchisi Erling Xoland 20 million evroga qimmatlashdi va hozir 200 million evroga baholanmoqda.

Shu tariqa Xoland dunyoning eng qimmat futbolchisiga aylandi. Avvalroq norvegiyalik bu maqomni Jud Bellingem, Vinisius Junior va Kilian Mbappe bilan bo'lishib turgandi - «Real» uchligi 180 million evroga baholanmoqda.

Eslatib o'tamiz, 2024/2025 yilgi mavsumda Erling Xoland sakkizta o'yin o'tkazib, o'nta gol urgan. Seshanba kuni «Manchester Siti» Chempionlar ligasi doirasida «Slovan»ga qarshi bahs olib boradi.