Ronaldu "Milan"ga qarshi o'yin tugamasdan stadionni tark etdi

Turinning “Yuventus” klubi hujumchisi  Krishtianu Ronaldu “Milan”ga qarshi uchrashuv yakunlanmasdan stadionni tark etdi. Bu haqida Football Italia nashri xabar bermoqda.

Ma'lumot uchun, Krishtinu uchrashuvning 55-daqiqasida o'z o'rnini Paulo Dibalaga bo'shatib berdi. Futbolchi maydonni tark etgach zaxira o'rindig'iga o'tirmay, kiyinish xonasiga yo'l oldi.

Ronalduning o'rniga maydonga tushgan Paulo Dibala esa uchrashuvda yagona g'alaba goliga mualliflik qildi.

Ma'lum bo'lishicha, 34 yoshli portugaliyalik forvard uchrashuv yakunlanmasdan stadionni tark etgan. Futbolchi ketma-ket ikkinchi o'yinda ham to'liq o'ynamagani bois, noroziligini murabbiyga shu taqlid bildirgan.