«Iltimos, kamarimni o'zimga beraqol», Meliqo'ziev jahon chempioniga murojaat bilan chiqdi

Professional boksning super o'rta (-76,2 kg) vazn toifasida ringga chiqayotgan Bektemir Meliqo'ziev (3-0, 3 KO) mazkur vaznning WBO yo'nalishi chempioni Bill Jo Sondersning (29-0, 14 KO) AQShdagi debyut jangiga munosabat bildirdi.

Shu kuni Sonders ilk marta AQShda ringga chiqib argentinalik Marselo Koseresni (28-1-1, 15 KO) 11 raundda nokaut evaziga mag'lubiyatga uchratdi. Ko'pchilik mutaxassislar shu kuni Sonders juda bo'sh va zerikarli jang o'tkazganini e'tirof etishdi. Bunga Bektemir Meliqo'ziev ham o'zining tvitterdagi sahifasi orqali munosabat bildirdi: «Iltimos, kamarimni o'zimga beraqol»

Muxlislardan biri esa bu tvitga: «Agar bu jang bo'lsa, sen uni jigarini davolatish uchun kasalxonaga ravona qilishing mumkin», deya qo'shimcha qilib o'tdi.