Qirg'izistonga qarshi bahsda ikki nafar futbolchi terma jamoada debyut qildi

Xabaringiz bor, kecha O'zbekiston terma jamoasi o'rtoqlik uchrashuvida Qirg'iziston terma jamoasiga qarshi maydonga tushdi. “Paxtakor” stadionida kechgan uchrashuvda milliy terma jamoamiz 3:1 hisobida g'alaba qozondi.

Mazkur bahsda ikki yosh futbolchi Abror Ismoilov (“Surxon”) va Sharof Muhitdinov (“Nasaf”) o'zlarining terma jamoadagi debyut o'yinlarini o'tkazishdi. Sharof to'liq 90-daqiqa harakat qilgan bo'lsa, Ismoilov ikkinchi bo'limda o'z o'rnini Ikrom Aliboevga bo'shatib berdi.