La liga. «Barselona» «Selta»ni mag'lub etdi, Messidan xet-trik (videosharh)

Ispaniya chempionatining 13-turi doirasida "Barselona" o'z uyida "Selta"ni qabul qilib, yirik hisobda g'alaba qozondi.

Uchrashuvning 23-daqiqasida Firpo chap qanotdan jarima maydoniga kirib, darvoza yaqiniga uzatma berayotganida to'p qo'lini yuqori ko'tarib, "podkat" tashlayotgan himoyachining qo'liga tegdi. Belgilangan penaltini Messi aniq amalga oshirdi.

Birinchi bo'lim tugashiga 3 daqiqa qolganida Olasa 25 metrlardan jarima zarbasini chiroyli tarzda yo'llab, hisobni tenglashtirdi. Taymga qo'shib berilgan daqiqalarda esa Messi taxminan shunday masofada belgilangan jarima zarbasidan xuddi shunaqa gol urib, jamoasini oldinga olib chiqdi.

Ikkinchi bo'lim boshida esa Lionel yana bir marta jarima zarbasidan aynan shunaqa zarba bilan darvozani ishg'ol qildi va "egizak gollar" muallifiga aylandi.

Uchrashuvning 60-daqiqasida argentinalik futbolchi Grizmanni darvozabon bilan yakkama-yakka vaziyatga chiqarib yubordi. Antuanning zarbasini posbon qaytardi. Uchrashuv tugashiga 5 daqiqa qolganida Buskets tomonidan jarima maydoni chizig'i ustidan yo'llangan zarbani "Selta" posboni qaytara olmadi — 4:1.

Ushbu g'alabadan keyin "Barselona" o'z ochkolarini 25taga etkazib, to'plar farqiga ko'ra "Real"dan yuqoriga o'tib oldi.

Ispaniya La ligasi, 13-tur
Barselona – Selta 4:1 (2:1, 2:0)
Gollar: 1:0 – 23, penalti Messi, 1:1 – 42 Olasa, 2:1 – 45 Messi, 3:1 – 48 Messi, 4:1 – 85 Buskets.
Barselona – ter Stegen, Semedu (Buskets, 23), Pike, Umtiti, Firpo, de Yong, Serdji Roberto, Artur, Messi, Grizmann (Suares, 73), Fati (Dembele, 46).
Selta – Ruben Blanko, Malo, Aydu, Arauxo, Olasa, Junka, Lobotka (Denis Suares, 76), Beltran, Diop (Fernandes, 81), Aspas, Sisto (Mendes, 64).
Ogohlantirishlar: Umtiti (25), Messi (40), Beltran (45), Serdji Roberto (52), Buskets (88).