Venger: «Bavariya»dan qo'ng'iroq qilishdi»

"Arsenal" klubi sobiq bosh murabbiyi Arsen Venger "Bavariya" bilan bo'layotgan muzokaralar haqida o'z fikrini bildirib o'tdi. Bu haqda beIN Sports xabar tarqatdi.

"Xyoness va Rummenigge jamoani tark etgani bois "Bavariya" hozirda o'tish bosqichini boshidan kechirmoqda.

Menga "Bavariya"dan qo'ng'iroq qilishdi va jamoani boshqarishni taklif qilishdi. O'ylab ko'rishim uchun bir hafta vaqt berishlarini aytishdi", - dedi Venger.

Tarqatilgan ma'lumotlarga qaraganda, "Bavariya" mavsum oxiriga qadar jamoani boshqarishni taklif qilgan.