EChL. «Manchester Siti» so'nggi 10 daqiqada darvozabonsiz o'ynab, durangni saqlab qoldi (videosharh)

"Atalanta" Evropa chempionlar ligasidagi dastlabki ochkosini qo'lga kiritdi.

Italiyada bo'lib o'tgan o'yinning 6-daqiqasida "Manchester Siti" hisobni ochishga muvaffaq bo'ldi. Bernardu Silva tomonidan etkazilgan uzatmani Jezus raqib jarima maydoni ichida tovoni bilan Sterlingga qoldirdi. Rahim yakkama-yakka vaziyatda darvozani osonlik bilan ishg'ol qildi.

Gvardiola shogirdlari tanaffusga qadar katta ustunlikka ega bo'lib, juda kko'p vaziyatlar yaratishdi, ammo ulardan foydalana olishmadi. Ayniqsa, 40-daqiqada belgilangan penaltini Jezus juda noaniq yo'lladi.

"Atalanta" esa ikkinchi bo'limga boshqacha kayfiyatda chiqib, tezda hisobni tenglashtirdi. Qanotdan etkazilgan uzatmani Pashalich bosh bilan raqib darvozasi joylab qo'ydi.

O'yinning 81-daqiqasida esa "Siti" posboni Bravo yakkama-yaka vaziyatga chiqib borayotgan Ilichichni jarima maydoni tashqarisida yiqitdi. Hakam unga darhol qizil kartochka ko'rsatdi. "Shaharliklar"ning asosiy posboni Ederson birinchi bo'limda engil jarohat olgani uchun Klaudio ikkinchi bo'lim boshida maydonga tushgan edi. Shu bois, "Manchester Siti"da boshqa darvozabon qolmagan edi. Kayl Uoker zaxiradan maydonga tushib, darvozabon pozitsiyasini egallagan. U jarimadan yo'llangan zarbani qaytarishga muvaffaq bo'ldi.

Uchrashuvning qolgan daqiqalarida mehmonlar yaxshi himoyalanib, durangni saqlab qolishdi.

Evropa chempionlar ligasi, 4-tur.
"C" guruhi
Atalanta Italiya – Manchester Siti Angliya 1:1 (0:1, 1:0)
Gollar: 0:1 – 7 Sterling, 1:1 – 49 Pashalich.
Atalanta – Gollini, Toloi, Palomino, Gimshiti, Xatebur, de Ron, Froyler (Malinovskiy, 84), Kastan (Muriel, 90), Gomes, Ilichich, Pashalich.
Manchester Siti – Ederson (Bravo, 46), Joau Kanselu, Otamendi, Fernandino, Mendi, de Bryuyne, Gyundogan, Bernardu Silva, Mahrez (Uoker, 85), Gabriel Jezus (Aguero, 73), Sterling.
Ogohlantirishlar: Gimshiti (27), Toloi (39), Ilichich (42), Fernandino (70), Kastan (79), Mendi (90), Bernardu Silva (90).
Chetlatish: Bravo (81).
Noaniq penalti: Jezus (40, noaniq zarba)