VIDEO. Ashurmatov va Aliboev terma jamoa mashg'ulotlariga qo'shildi. Ahmedov mashg'ulotlarda qatnashmadi

O'zbekiston milliy terma jamoasi navbatdagi uchrashuvlarga qizg'in tayyorgarlik olib boryapti. Bugungi mashg'ulotdan videolavhani e'tiboringiga havola etamiz.

Ma'lumot uchun, terma jamoamizning bugungi mashg'ulotiga "Seul" futbolchisi Ikrom Aliboev va yaqinda "Gvangju" klubi bilan Janubiy Koreya K Liga-2 chempioniga aylangan Rustam Ashurmatov qo'shildi. Bu ikki futbolchi va jarohatidan tiklanib qaytgan Igor Sergeev alohida mashg'ulot o'tashdi.

Qolaversa, terma jamoamiz sardori Odil Ahmedov bugungi mashg'ulotlarni o'tkazib yubordi.