Safina Sadullaeva va Anvar Anvarov Shveytsariyadagi yirik turnirda ishtirok etadi

22-avgust kuni Shveytsariyaning Lozanna shahrida engil atletika olamining yirik turnirlaridan biri “Brilliant liga”ning 11-bosqichi bo'lib o'tadi.

7 yo'nalishda tashkil etiladigan mazkur musobaqaning 2 ta dasturida terma jamoamiz a'zolari ham qatnashadi.

O'zbekiston engil atletika federatsiyasining ma'lum qilishicha Parij-2024 yozgi Olimpiya o'yinlarining ishtirokchilari Safina Sadullaeva balandlikka sakrash, Anvar Anvarov uzunlikka sakrash sektorlarida g'oliblik uchun kurash olib boradi.