«Tottenxem» Son uchun psixolog yolladi

“Tottenxem” hujumchisi Son Hyon Minga “Everton”ga qarshi o'yindan so'ng shifokor yordami kerak. Koreyalik futbolchi 79-daqiqada raqib futbolchisi Andre Gomeshga nisbatan qo'pol harakat qildi. Buning natijasida Serj Orega borib to'qnashgan Gomesh oyog'ini sindirib oldi.

Son jarohatni ko'rgach shok holatiga tushgan va ko'z yoshlarini tiyib tura olmagan, futbolchi qizil kartochka olib maydonni tark etayotgan vaqtda tahlika tushib qolgandek ko'ringan.

“Tottenhem” Sonning holatidan havotirda va jamoada psixolog bor bo'lishiga qaramay, uning uchun qo'shimcha shifokor yollaydi.