Bilasizmi? Messi 2018 yilda bosh bilan birorta ham gol urmadi

«Barselona» klubi va Argentina terma jamoasi hujumchisi Lionel Messi 2018 yilda rasmiy o'yinlarda jami 51ta gol urdi. Ammo bu gollarning birortasini bosh bilan urmadi. U barcha to'plarni oyoq bilan kiritdi.

Bunday holat Messining faoliyatida 2007 yildan beri ilk marta kuzatildi. Bungacha 10 yil davomida argentinalik futbolchi o'z hisobiga albatta bosh bilan urilgan gollarni yozib qo'yayotgan edi.

Faktlar:
— Leo Ispaniya chempionatining 2018/19 yilgi mavsumida 15ta o'yinda maydonga tushib, 15ta gol urdi.
— 2017/18 yilgi mavsumi yakuni bo'yicha Messi «Oltin butsa» sohibiga aylandi.
— Lionel Messining mashhur raqobatchisi Krishtianu Ronaldu so'nggi 7 yil ichida ilk marta bitta kalendar yilida 50tadan kam gol urdi (49ta).