Pogba: «Mashg'ulotga qaytishim uchun yana 2 hafta vaqt kerak»

«Manchester Yunayted» yarim himoyachisi Pol Pogba jarohatidan tiklanishi uchun qancha vaqt kerakligi haqida ma'lumot berdi.

«Mashg'ulotlarga qaytishim uchun yana kamida ikki hafta vaqt kerak. Jamoadoshlarim mensiz mashg'ulotda ishtirok etishayotganini kuzatish og'ir, lekin yangi kuch bilan safga qaytishim uchun hozir biroz dam olishim kerak», – dedi Pogba.

Avvalroq «Manchester Yunayted» bosh murabbiyi Ule-Gunnar Sulsher Pogba dekabrdan oldin safga qaytmasligini aytib o'tgan edi. Frantsiyalik futbolchi so'nggi marta 30 sentyabr kuni bo'lib o'tgan «Arsenal»ga qarshi o'yinda (1:1) maydonga tushgan edi.