«Rostov» so'nggi daqiqalarda g'alabani qo'ldan chiqardi, Shomurodovdan golli uzatma

Rossiya chempionatining 15-turi doirasida «Krasnodar» o'z maydonida «Rostov»ni qabul qildi.

Uchrashuvning 34-daqiqasida Karpin shogirdlari hisobni ochishdi. Shomurodov raqib jarima maydoni ostonasida to'pni qabul qildi va tovoni bilan uzatma berib, Ionovni zarbavor vaziyatga chiqdi. Aleksey aniq zarba bilan darvoza burchagini ishg'ol etdi.

Oradan 7 daqiqa o'tib Ionovning o'zi yana bir imkoniyatdan samarali foydalanib, hisobdagi farqni oshirdi.

Mazkur natija ikkinchi bo'limga qo'shib berilgan daqiqalarga qadar saqlanib turdi. Qo'shib berilgan daqiqalarning 2-daqiqasida "Krasnodar" birinchi golini urishga muvaffaq bo'ldi. Bundan ruhlangan mezbonlar 90+5-daqiqada hisobni tenglashtiruvchi golni mehmonlar darvozasiga yo'llashdi.

Shu tariqa, "Rostov" alamli tarzda g'alabani qo'ldan chiqardi. Shunga qaramay, Karpin jamoasi 30 ochko bilan jadvalda 2-o'rinni egallab turibdi. Ular peshqadam "Zenit"dan 3 ochko ortda borishmoqda.

Rossiya premer-ligasi, 15-tur
Krasnodar – Rostov 2:2 (0:2, 2:0)
Gollar: 0:1 – 34 Ionov, 0:2 – 41 Ionov, 1:2 – 90 Ignatev, 2:2 – 90 Spayich.
Krasnodar – Safonov, Martiinovich, Ramires, Petrov, Spayich, Olsson (Utkin, 46), Vilena, Fernandesh (Namli, 72), Suleymanov, Ari, Berg (Ignatev, 75).
Rostov – Baburin, Kozlov, Chistyakov, Chernov, Xadjikadunich, Popov (Zaynutdinov, 68), Glebov (Sigurdsson, 86), Ionov, Eremenko, Bayramyan (Saplinov, 79), Shomurodov.
Ogohlantirishlar: Popov (53), Eremenko (57), Chistyakov (63), Zaynutdinov (77).