Bundesliga. «Bavariya» jiddiy «avariya»ga uchradi (videosharh)

Germaniya chempionatining 10-turida kutilmagan natija qayd etildi. "Bavariya" klubi Frankfurtda "Ayntraxt" mehmoni bo'lib, yirik hisobda yutqazib qo'ydi.

Uchrashuvning 9-daqiqasida Jerom Boateng darvozabon bilan yakkama-yakka vaziyatga chiqayotgan hujumchini chalib yiqitdi. Hakam videotakrorni tomosha qilgach, "Bavariya" futbolchisini maydondan chetlatdi.

Sakson daqiqadan ko'proq vaqt mobaynida bir kishi kam bo'lib o'ynagan myunxenliklar o'z darvozalaridan naq 5ta to'p olib chiqishdi. "Bavariya"ning yagona goli esa Levandovski hisobiga yozildi.

Mazkur mag'lubiyat tufayli "Bavariya" peshqadam "Borussiya M"dan 4 ochko ortda qolib ketdi.

Germaniya chempionati, 10-tur
Ayntraxt F – Bavariya 5:1 (2:1, 3:0)
Gollar: 1:0 – 25 Kostich, 2:0 – 33 Sou, 2:1 – 37 Levandovski, 3:1 – 49 Abraam, 4:1 – 61 Xinteregger, 5:1 – 85 Pasiensiya.
Ayntraxt F – Rennov, Xinteregger, Ndika, Abraam, da Koshta, Rode (Gachinovich, 71), Fernandes (Andre Silva, 80), Kostich, Sou, Dost (Kamada, 64), Pasiensiya.
Bavariya – Noyer, Alaba, Kimmix, Boateng, Pavar, Gnabri (Gorettska, 69), Alkantara, Devis, Koutino (Koman, 57), Levandovski, Myuller (Martines, 64).
Ogohlantirishlar: Ulrayx (51), Kimmix (72), Kamada (87).
Chetlatish: Boateng (9).