Yurgen Klopp: «FIFA, UEFA va APL o'yinchilarga g'amxo'rlik qiladigan payt hali kelmadi»

«Liverpul» bosh murabbiyi Yurgen Klopp futboldagi haddan tashqari zich taqvimga nisbatan o'z noroziligi bildirib o'tdi.

«Odamlar: «Ular nima uchun baqir-chaqir qilishmoqda? Ular shuncha pul topishadi», deyishadi, ammo futbolga aloqasi bor insonlar talablar haddan tashqari yuqori ekanini aytishadi.

Angliya futbol assotsiatsiyasi Liga kubogi ishiga alashishni istaydi, Premer-liga esa Angliya kubogi ishiga, lekin hech kim bir joyda yig'ilib, muhoama qilishni istamaydi. Bundan tashqari, UEFA millatlar ligasini tashkil qildi. Shundoq ham mavsum davomida ko'plab o'yinlarda ishtirok etgan futbolchilarga yana bir nechta intensiv o'yinlarni berishmoqda.

Shundan keyin biz jahonning eng yaxshi futbolchilari nima uchun yuqori saviyada uzoq vaqt o'ynamayapti, deb hayron bo'lamiz yoki ular jiddiy jarohat olishadi. Odamlar klublar keng tarkibga ega bo'lishi kerak, deb aytishadi, ammo futbol katta tarkiblarga mo'ljallanmagan.

Hozirda jamoadagi futbolchilar soni hamda o'yinchilar uchun kerak bo'lgan tanaffusdagi uchrashuvlar soni o'rtasida muvozanat yo'q. Agar sen terma jamoa o'yinchisi bo'lsang va barcha yirik xalqaro musobaqalarda ishtirok etsang, bir yilda dam olish uchun ikki hafta vaqtga ega bo'lasan, xolos. Bu fakt.

Manelar, Salohlar, Xendersonlar bir yilda ikki haftagina dam olishadi. Shu bilan birgalikda, futbolchilarga bosim yuqori, axir biz: "bu o'yin muhim emas", deb ayta olmaymiz. Bir nechta echim topish mumkin, ammo FIFA, UEFA, APL, EFL va boshqa ligalar o'z cho'ntaklari haqida emas, o'yinchilarga g'amxo'rlik qiladigan vaqt hali kelmadi», – dedi Klopp.