«Liverpul» bir vaqtda bo'ladigan ikkita musobaqada ikki xil tarkib bilan ishtirok etishi mumkin

«Liverpul» oldinda kutib turgan taqvim bilan bog'liq murakkab vaziyatga echim qidirishda davom etmoqda.

Angliya liga kubogining chorak final o'yinlari 16 dekabrdan boshlanadigan haftada bo'lib o'tadi. Angliya futbol ligasi (EFL) «Liverpul»ning "Aston Villa"ga qarshi o'yinini yanvar oyining ikkinchi haftasiga ko'chirish haqida o'ylamoqda. Boisi, mersisaydliklar 18 dekabr kuni klublar o'rtasidagi jahon chempionatida ishtirok etishadi.

Bundan tashqari, EFL ushbu muammoga noodatiy variantni ham ko'rib chiqmoqda. Ma'lumotlarga qaraganda, tashkilot "Liverpul" bilan Angliya liga kubogi va klublar o'rtasidagi JChda turli tarkiblar bilan ishtirok etishi variantini muhokama qilmoqda.

Ma'lumot o'rnida. «Liverpul» noyabr oyi boshidan 11 yanvarga qadar 19ta o'yin o'tkazishi kerak.