FIFA kunlari tufayli yuzaga kelgan katta tanaffusda AGMK futbolchilariga ta'til berildi
/ Kiritdi: BestMaster Ko'rilgan: 336
Xabaringiz bor, O'FA va PFL O'zbekiston milliy jamoasi manfaatini o'ylab JCh-2022 saralash bosqichi doirasidagi o'yinlardan oldin ertaroq yig'ilish maqsadida chempionat taqvimiga o'zgarish kiritdi.
Unga ko'ra, endilikda Superliganing 24-tur o'yinlari rejadagidek 3-4 noyabr kunlari emas, balki noyabr oyidagi FIFA kunlaridan keyin o'tkaziladi.
Orada esa Superliga jamoalari 23 noyabrga qadar rasmiy o'yinlarda ishtirok etishmaydi. Shu munosabat bilan AGMK jamoasi murabbiylar shtabi "Lokomotiv"ga qarshi o'yindan keyin futbolchilarga 1 haftalik ta'til berdi. Endilikda jamoamiz 7 noyabr kuni odatdagidek Qibrayda yig'iladi hamda Superliganing 24-turi doirasidagi "Qo'qon-1912"ga qarshi bahsga taraddud ko'radi. Unga qadar esa jamoamiz ikkita nazorat bellashuvida maydonda tushishni rejalashtirgan. Bu haqda esa keyinroq batafsil ma'lumot beramiz.