Sardor Rashidov «Qatar SK»ning yagona golini urdi (video)

Qatar chempionatida 9-turi doirasida «Qatar SK» o'z maydonida «Ash-Shaxaniya»ni qabul qilib, kichik hisobda g'alaba qozondi.

Uchrashuvdagi yagona gol hamyurtimiz Sardor Rashidov hisobiga yozildi. Birinchi bo'limga qo'shib berilgan daqiqalarda mezbonlar qarshi hujum tashkil qilishdi va jamoadoshi etkazib bergan uzatmani Rashidov bo'sh darvozaga burib qo'ydi.

Bu g'alabadan so'ng «Qatar SK» 9 ochko bilan 8-o'ringa ko'tarildi. Rashidov mavsum boshidan beri 8ta o'yinda to'liq harakat qilib, uchta gol urgan.

Qatar yulduzlar ligasi, 9-tur
«Qatar SK» - «Ash-Shaxaniya» 1:0
Gol: Sardor Rashidov (45+1)