Umid Ahmadjonov Dohada bo'lib o'tayotgan FIFA sammitida Janni Infantino bilan uchrashdi

O'zbekiston Milliy olimpiya qo'mitasi prezidenti, futbol assotsiatsiyasi birinchi vitse-prezidenti Umid Ahmadjonov FIFA sammitida qatnashish uchun Qatar mamlakatiga jo'nab ketgani haqida avval xabar berib o'tgandik.

Bugun Doha shahrida sammittning asosiy sessiyalari boshlandi. Unda FIFAga a'zo 5 ta konfederatsiyadan 50 ta mamlakat vakillari orasida O'zbekiston futbol assotsiatsiyasi birinchi vitse-prezidenti umid_ahmadjonov1.jpg ham ishtirok etmoqda.

Sammit davomida FIFA tomonidan tashkil etilayotgan musobaqalarga tayyorgarlik jarayoni, bu borada yuzaga kelayotgan muammolar muhokama qilinib, tashkiliy qo'mita hisobotlari tinglanyapti. Shuningdek, FIFAga a'zo futbol assotsiatsiyalarini «FIFA Forward» dasturi asosida moliyaviy qo'llab-quvvatlash masalalari ham muhokama qilinmoqda. «FIFA Forward» dasturi asosida a'zo mamlakatlar futbol assotsiatsiyalari futbol infratuzilmasini yaxshilash, sun'iy va tabiiy qoplamali maydonlar barpo qilish va ularni rekonstruktsiya qilish, bolalar va ayollar futbolini rivojlantirish hamda boshqa ko'plab shu kabi yo'nalishlar bo'yicha moliyaviy yordam olishlari mumkin.

Bundan tashqari, sammit sessiyalarida FIFA tasnifi ostida o'tayotgan musobaqalarda VAR tizimini yo'lga qo'yish, bu tizimni rivojlantirish bo'yicha ham amaliy takliflar ko'rib chiqiladi.

Qatarda bo'lib o'tayotgan FIFA sammiti 13 dekabr kuni o'z yakuniga etadi.