Obameyang «Arsenal» oldiga ultimatum qo'ydi

"Arsenal" hujumchisi Per-Emerik Obameyang jamoani tark etishi mumkin. Bu haqda The Telegraph xabar tarqatdi.

Manbaga ko'ra, "kanonirlar" bir necha yillardan beri Evropa chempionlar ligasiga chiqa olmayotgani gabonlik futbolchiga yoqmayapti. Agar ushbu mavsum so'ngida londonliklar EChL yo'llanmasini qo'lga kiritmasa, Obameyang o'zini boshqa jamoaga sotishlarini talab qilmoqchi.

Obameyang 2018 yilning yanvar oyidan beri "Arsenal" sharafini himoya qilmoqda. Bungacha u londonliklar safida 77ta o'yinda maydonga tushib, 49ta gol urdi, 12ta golga uzatma berdi.

Unai Emeri jamoasi APLning ushbu mavsumida 16 ochko bilan jadvalda 5-o'rinni egallab turibdi. Jamoa EChL yo'llanmasini berishi mumkin bo'lgan 4-pog'onadan 4 ochko ortda qolmoqda.