«Inter» rekord miqdorda daromad olganini e'lon qildi

«Inter» klubi 2018/19 yilgi mavsum uchun moliyaviy hisobotni e'lon qildi.

Jamoaning umumiy daromadi o'tgan mavsumdagisiga nisbatan 20 foizga oshgan va uning miqdori 417 million evroga teng bo'ldi. Bu «Inter» tarixidagi eng yuqori ko'rsatkich hisoblanadi.

Jamoaning sof daromadi 53%ga oshib, 105 million evroga etdi. Homiylikdan kelib tushadigan mablag' esa 9%ga ko'paydi – 138 million evrogacha.

Shuningdek, hisobotga ko'ra, jamoa tomonidan transferlar uchun sarflangan pul evaziga zarar 48,8 mln evroni tashkil etgan.