Shaxmat. O'zbekiston terma jamoasi Turkiyaga jo'nab ketdi
/ Kiritdi: BestMaster Ko'rilgan: 301
Joriy yilning 28 oktyabr va 6 noyabr kunlari Turkiyaning Chorum shahrida 16 yoshgacha bo'lganlar orasida Butunjahon Shaxmat olimpiadasi bo'lib o'tadi.
Bugun tongda shaxmat bo'yicha O'zbekiston terma jamoasi Turkiyaga jo'nab ketdi. Yurtimiz sharafini GM Abdusattorov Nodirbek (Toshkent, 2004 tug'ilgan), GM Sindarov Javoxir (Toshkent, 2005 tug'ilgan), FM Kasimov Ali (Samarqand, 2003 tug'ilgan), Madaminov Muxiddin (Toshkent, 2006 tug'ilgan.), WFM Omonova Umida (Surxondaryo, 2006 tug'ilgan)lar himoya qilishadi. Jamoa murabbiyi va sardori GM Yuldashev Saydali.
O'zbekiston Shaxmat federatsiyasi matbuoti xizmati ma'lumotiga ko'ra, sportchilarning musobaqada qatnashish harajatlarini Raqamli iqtisodiyot qo'llab quvvatlash “Raqamli ishonch” fondi tomonidan moliyalashtirilgan.
16 yoshgacha bo'lganlar orasida Butunjahon Shaxmat olimpiadasi 9 turdan iborat bo'lib, shveytsarcha tizimda bo'lib o'tadi.
Eslatib o'tamizki, o'tgan yilgi Butunjahon Shaxmat olimpiadasida O'zbekiston terma jamoasi chempionlikni qo'lga kiritgan edi.