Valeriy Karpin: «Eryomenko to'purarlar poygasida Shomurodovni ortda qoldira oladi»

Rossiya chempionati 14-turidan o'rin olgan «Rostov» — «Sochi» o'yinidan so'ng har ikki jamoa bosh murabbiylari ishtirokida matbuot anjumani o'tkazildi. Unda qatnashgan «Rostov» murabbiyi Valeriy Karpin o'z fikrlarini bildirdi.

«Popovni sariq kartochka uchun hali urushganim yo'q, axir bugun uning tug'ilgan kuni. Eryomenko Shomurodovni to'purarlar poygasida ortda qoldira oladimi? Menimcha, ha.

Birinchi bo'limda yaxshiroq o'ynadik, ikkinchi bo'limda esa ko'p vaziyat yarata olmadik. Birinchi bo'limda ko'p vaziyatlardan gol urishimiz kerak edi. Yigitlar «Zenit»ga qarshi o'yindan so'ng bugungi bahsni ehtiros bilan boshlashdi. Ikkinchi bo'limda esa o'sha ehtiros ko'rinmadi.

«Zenit»ga qarshi o'yindagi mag'lubiyatdan so'ng futbolchilarning bugungi o'yinga munosabatidan xursand bo'ldim. Bunday mag'lubiyatdan so'ng qanaqasiga bo'lsa ham g'alaba qozonishimiz kerak edi. Ruhiy jihatdan ham qiyin holatdan ham chiqib ketganimizdan xursand bo'ldim.

«Spartak»ga qarshi kubok o'yinida rotatsiya qilishimiz mumkin. «Zenit»ga qarshi o'yindan keyin Baburin yana o'ynadi? U bugun bejizga tarkibga kiritilmaganini maydonda isbotladi. Gol o'tkazib yuborish darvozabonlar uchun yangilik emas, shu bois Baburin o'ziga kelishga qiynalgani yo'q.

«Zenit»ga uchralgan mag'lubiyatdan so'ng futbolchilar osmonga uchishni bas qilib, erga tushishdi. O'z vaqtida erga tushganimizdan xursandman. Bunaqasi qayta bo'lmasligiga umid qilaman»,— deb Karpinning so'zlarini keltirmoqda Kun.uz muxbiri.