VXL. «Humo» yana g'alaba qozondi. Bu safar «Tambov» ustidan

Toshkentning "Humo" jamoasi o'z maydonida "Tambov"ni qabul qildi va 3:2 hisobida mag'lub etdi. Evgeniy Grigorenko, Artyom Voroshilo hamda Pavel Novojilovlar tomonidan kiritilgan shaybalarga mehmonlar safida Vladislav Dyukaraev va Ivan Kuznetsovlar javob qaytarishdi xolos.

Shu tariqa, Evgeniy Popixin shogirdlari qatorasiga uchinchi g'alabani qo'lga kiritgan holda turnir jadvalida 6-o'ringa (19 ochko) ko'tarilib olishdi. Jamoa o'zining navbatdagi bahsni 29 oktyabr kuni Moskvada "Zvezda"ga qarshi o'tkazadi.