Ronaldu «Lechche»ga qarshi o'yinda maydonga tushmaydi

«Yuventus» hujumchisi Krishtianu Ronaldu Italiya chempionatining 9-turi doirasida bo'ladigan «Lechche»ga qarshi o'yinda maydonga tushmaydi.

"Keksa sinora" murabbiylar shtabi ertaga bo'ladigan o'yin uchun 34 yoshli futbolchini qaydnomaga kiritishmadi. Avvalroq «Yuve» bosh murabbiyi Mauritsio Sarri portugaliyalik futbolchiga dam berish kerakligi haqida aytib o'tgan edi.

"Yuventus"ning kengaytirilgan ro'yxatidan KXDRlik hujumchi Xan Kvan Son o'rin oldi. U yozgi transfer paytida turinliklar safiga kelib qo'shilgan edi.

Ronaldu ushbu mavsumda 10ta o'yinda maydonga tushib, ularda 5ta gol urdi va bitta golga uzatma berdi. «Lechche» – «Yuventus» o'yini esa 26 oktyabr, shanba kuni Toshkent vaqti bilan 18:00da boshlanadi.

«Yuventus»ning «Lechche»ga qarshi o'yin uchun qaydnomasi:

Voychex Shchensni, Janluidji Buffon, Karlo Pinsolo, Mattia De Shilo, Aleks Sandro, Matteys de Ligt, Daniele Rugani, Danilo, Leonardo Bonuchchi, Merix Demiral, Miralem Pyanich, Sami Xedira, Emre Jan, Rodrigo Bentankur, Adrien Rabo, Xuan Kuadrado, Gonsalo Iguain, Paulo Dibala, Marko Oliveri, Xan Kvan Son.