EChL. Haftaning eng chiroyli goli ma'lum bo'ldi (video)

«Leyptsig» yarim himoyachisi Marsel Zabittser Evropa chempionlar ligasi 3-turining eng yaxshi goli muallifiga aylandi.

25 yoshli avstriyalik futbolchi «Zenit»ga qarshi bo'lib o'tgan o'yinda (2:1) g'alaba to'pini kiritishga muvaffaq bo'ldi. U jarima maydonchasi ichida to'pni qabul qilib, 13-14 metrlardan aylanma zarba berib, "to'qqizlik"ni aniq nishonga oldi.

Ushbu sovringa, shuningdek, «Liverpul» yarim himoyachisi Aleks Oksleyd-Chemberlen, «Yuventus» hujumchisi Paulo Dibala va «Bavariya» yarim himoyachisi Koranten Tolisso da'vogarlik qilishgan edi.